Hindi Blog Post

Mansarovar-Asia’s Biggest Colony-Jaipur Real Estate

Asia’s Biggest Colony Mansarovar : Mansarovar asia ki sabse badi colony ke naam sa jaani jaati hai. Mansarovar colony Jaipur Rajasthan mein basi hui hai. 2010 tak mansarovar colony ko Asia ki sabse badi colony ke naam se jaana jaata tha. Halanki ab Kankarbagh (Patna Bihar) colony aaj Asia ki Largest colony hai. Kintu Mansarovar colony ne apna dabdaba abhi tak khoya nahi hai. Aaj Bhi Mansarovar logon ki pahli pasand hai.

Asia’s Biggest Colony: Kareeb 40 Saal pahle Rajasthan Housing Board ne Mansarovar ko awaasiy colony ke tour par viksit karne ki yojna banayee thi. tab kisi ko yeh nahi maloom tha ki mansarovar asia ki sabse badi aur pasandida awasiy colony ban jayegi. Mansarovar ka dayra lagataar badh raha hai aur iske chalte mansarovar ki abaadi 15 Lakh ko paar kar gayee hai. Kareeb 400 awasiy colony mein Hazaron Makan ban chuke hai. Jaipur city mein aisa koi area nahi jisme itni tadaad mein colonies viksit huyee ho, Mansarovar mein multi story buildings and government offices bahoot tadaad mein viskit huye hai.

Mansarovar mein Market,  Malls and Sadkon ka nirmaan badi tezi se hua hai aur zaari hai. Is market mein manushya ki zarurat ka har samaan badi aasani se mil jaata hai. Entertainment ke liye bhi yaha badi sankhya mein movie theater aur multiplexes hai.

Mansarovar ki khas baat yeh hai ki yahan par samaj ke har warg ke liye awaas uplabdh hai. Is area mein madhyam varg aur Gareeb logon ki tadaad kafi adhik dekhi ja sakti hai. Mansarovar se sate huye naye area jaise Agrwaal Farm area mein uchh warg ke logon ko rihayis bhi badhi hai.

Mansarovar aur Sanganer industrail area aas paas hone ke kaaran yaha rozgaar ke bhi acche awsar hain. Mansarovar se jaipur ke dusre area’s jaise ajmer road, tonk road, chandpole ke liye connectivity bahoot acchi hai. aur Mansarovar se chandpole tak filhaal Metro Train bhi sanchalit hai jisse public ko aane jaane mein kaafi asaani ho jaati hai. Mansarovar se international airport sirf 10 kilometer ke aas paas hai.

Mansarovar ke New Sanganer Road Area kaafi tezi se develop hua hai. Yahan Kai marraige garden, Hotel, Garden, Restaurants aadi uplabdh hain. Isliye Mansarovar aaj Jaipur mein apna ghar basane walon ki pasand bani huyee hai.

Kaha jaata hai ki pure Asia mein itna bada awaas aur kahin nahi hai. bawazood iske Mansarovar ke vikas ki raftaar ruki nahi hai jabki iska dayra badhta hi ja raha hai. Aaj mansarovar ki population 15 lacs ke aas paas hai.

Mansarovar mein pichle paanch saalon mein jameen ki keemat 50% tak badhi hai. aur agle 5 salon mein iske 100% tak badhne ki sambhavna hai.

Asia’s Biggest Colony : Mansarovar mein Keemat 

  1. Niji Builders ne mansarovar mein kareeb 5000 naye flats ka nirmaan kiya hai.
  2. Mansarovar mein Flats ki keemat 3000 rupay se 5000 rupay per sq yrd. hai.
  3. Mansarovar mein Khali Plot ki keemat 30000 se 40000 per sq. yard. chal rahi hai.
  4. Rajasthan ki Sabse Badi Fal-Subji Mandi Muhana Mandi Mansarovar ke nazdeek moujood hai.
  5. Mansarovar ke nazdeek 2 Industrail area aur Kai Education Institute Chal rahe hai. Jisse mansarovar jaipur ka eduction hub ban gaya hai.
  6. Kai Sarkaari yojnao par kaam chal raha hai.

Asia’s Biggest Colony ke liye Kya kahte hai Expert :

  1. Prashant Gupta (M.D Anukampa Group) kahte hai ki Jaipur mein shayad hi aisa koi area ho, jisme sarkari aur Niji kshetra mein Mansarovar Jitni Multi Story Buildings ho. Awasiy Yojnao ke saath Mansarovar mein Market ka nirmaan Tezi se hua hai.
  2. Hitesh Dhanuka-Director Dhanuka Group : kahte hai ki vikhyat real estate groups ke mega project bhi mansarovar mein tezi se chal rahe hai. Jinme rachnatmakta ke saath saath Modern equipment ka behtreen sangam aur behtreen space management aur suvidhaon ka sangam ho raha hai. yeh project mansarovar aur jaipur ko badi uchaiyon par lekar jane wale hai.
  3. Anis Raj Sethi-Director Sidar Group : sethi ka manna hai Rajy Sarkaar dwara foreign investors ko akarshit karne ke liye haal hi mein Karodo rupay ke project ke MOU bhi Sign Kiye gaye hai. Ye kaha ja sakta hai ki mansarovar mein infrastructure ki viakas ki gati tez ho gayee hai aur yeh ek pramukh Education Center ke roop mein saamne aaya hai.

Global Property consultant and research agency JLL ki report ke anusaar Mansarovar Asia ke sabse badi awasiy colony hai. yaha ki abadi lagbhag 15 lakh se jyada hai.

Jaipur Metro Priyojna ke pahle charan ki shuruat bhi Mansarovar se chandpole tak hui hai.

Patrakaar colony is area ka naya residential hub banta ja raha hai

International Airport se najdiki is area ki khubi hai.  

Post Comment

This site uses Akismet to reduce spam. Learn how your comment data is processed.